雨梅
這是老年人的回憶，往事曆曆在目，讓人了解過去也充滿信心走向未來。
伊拉姆媽好人家個出身勿跳廣場舞
“好人家”，搿個充滿上海趣味個褒義詞描述勒當下年輕一代當中已經勿多見了，搿三個字是一定要用上海言話來讀個，隻有搿能介，再能體味出其中蘊涵個低調搭仔自矜。
所謂好人家，勒滬語個語境裏是指生活程度中等、安定、知書達理個規矩人家，大多數踏實本分，正統中庸。好人家個囡兒，有溫婉個秉性、良好個教養搭仔實惠卻勿乏感性個生活情趣。
伊拉個上一代，可能是真正個淑媛，到了伊拉搿一代，由於時代個變故、現世個急迫，器局勿得勿縮小一圈。伊拉因為勒物質浪見過眼世麵，也吃過眼苦頭個，勒精神浪向就能夠對閱曆有所提煉，並可以落實到生活個柴、米、油、鹽當中去。伊拉個情緒雖然有得起落，火氣卻是勿大有了，更加善於搭自家講和、搭生活周旋。
從年齡浪向來看，伊拉是輕熟女個母親一代，雖然講同為職業女性，但更加偏於傳統、溫儒搭仔家居，擅長用生活個瓶中水，去勾兌出物質搭仔精神層麵有所互動個酒，卻是觸手可得、毫無懸念。伊拉追求個感覺比較貼肉，樂天知命而且隨遇而安，相信傳奇隻是傳奇。
伊拉最大個特色是圓融。因為嘸沒大富貴，所以勿驕，也嘸沒貧寒，所以勿哀。“溫柔而勿妥協，勒安靜之中勿慌勿忙個堅強”。上有老、下有小個年紀，周轉於職場、家庭個複雜人際關係當中是遊刃有餘，並且勿忘記去享受人生個樂趣，比如庖廚、旅行、時尚搭仔閱讀。
以伊拉個年齡搭仔所經曆個時代，日腳絕對算勿上完美個，卻始終是盡力而為，甚至對於看似悲劇個人生大局也能夠從容以待，既勿厭倦，也勿憤懣。伊拉看多了炎涼，曉得社會浪向個路勿好走，所以要自我鬆綁搭仔尋找快樂。搭熟女相比，伊拉多了眼秀雅甜蜜，少了眼桀驁逼人。搭伊拉相比呢，熟女則多了清華靈媚，少了絮絮煩瑣。
伊拉對生活通常有一個比較具體可行個前瞻，因此，有能力以穩定個心境去應對萬變個世態。假使家庭收入是三塊洋鈿個言話，伊拉是搿能規劃個：一塊作為家用，一塊用來儲蓄、以備急用，還有一塊呢，就用來交際應酬、娛樂休閑。
伊拉勒拉相夫教子之餘，一直邪氣努力個保持身為女子個平衡狀態，總歸是勿自覺個拿時間分成功了三份：一份撥自然，一份撥內心，還有一份就是搭別人相處。做母親個伊拉，是母親當中個尖子，做婆婆個伊拉，也勿排除屬於隱性難搞型。
好人家個囡兒懂得沉到生活裏向去。
伊拉勿大會得去光顧百樂門去跳舞，雖然伊麵個彈簧舞池光滑得像鏡子，還有得舞技邪氣好、頭發梳得鋥亮、自稱“老師”個舞男。但有常時，伊拉倒會得去酒吧聽聽田果安個老爵士。
伊拉是勿去跳廣場舞個，勿會得十日天遊覽八個國家，也勿會得去著邪氣便宜、勿合身個旗袍到處亂竄，或者抖開花花綠綠個絲圍巾迎牢仔風拍照，雖然講，後者看上去邪氣生機勃勃，有熱情張力，卻也是顯出了市井潑婦個底板。好人家個囡兒曉得，份寸個缺乏是油膩感個開始。
伊拉個頭發做得是邪氣精致個，麵色也老清爽，眉毛是修過個，但絕對勿會去紋眉搭仔眼線，更加勿會去打玻尿酸。伊拉搨淡顏色個嘴唇膏，著真絲襯衫搭配風衣出去蕩馬路，一片片梧桐樹個葉子落勒伊身浪個辰光，也就有了一刹那間個詩意。
伊拉個胃搭仔膽囊是全球化個，既可以裝大餅、油條，又可以裝芝士、紅酒，可以吃生煎饅頭配咖啡，就是拿破侖蛋糕配咖喱牛肉粉絲湯，伊拉也是來三個。伊拉勒吃個上頭曆來是勿拘一格，而且還孜孜以求，善於勒精微當中顯出格局搭仔變化。
一旦進入廚房，伊拉再自謙，也總歸會得拿出幾隻拿手個菜來：五香素雞、響油鱔絲、黃魚鯗紅燒肉、老鴨扁尖湯、薺菜大餛飩……也會得做幾樣物事：鬆茸天婦羅、醉蟹、幹巴菌火腿炒飯、海鹽奶蓋烏龍茶……
伊拉熟練個使用各種生活類個APP，有熟悉個海外代購搭仔冷鏈海鮮直郵，伊拉用拚多多，伊拉白相烘焙，白相手工製作，吃日本料理，到有好個風景或者是有花園個地方去吃吃下午茶，也會到寺廟裏去住個幾日天禪修，當然咾，一定儕會發到朋友圈裏去個。
伊拉有要好個閨蜜搭仔小有感覺個藍顏知己講講體己言話、做有情調個事體。曆盡世事個伊拉內心邪氣超脫，人生似甜實苦，好友之間彼此儕具備一顆有共情力個心，再大氣點，懂一點，搿個就夠了，勿會難為自家去爭勒要伊眼捉勿牢個物事搭仔人，也勿會滿腦子個去想標準答案。
伊拉歡喜有腔調個人像搭仔靜物攝影，偏愛花園洋房、外灘搭仔陸家嘴，雖然講大多數隻必過儕是擺拍。伊拉講禮數、懂世故、勿招搖，卻也希望讓大家儕曉得：自家是邪氣來三個，伊拉需要眼掌聲。
一代一代個好人家個囡兒，就搿能介勒精致搭仔豪爽、感性搭仔理智、自在搭仔紛亂之間，靈活擺渡，伸展自如，直到遲暮。林語堂勒《京華煙雲》當中講得邪氣透徹：“從姚思安處，木蘭學到個是生命個大道，而莫愁掌握個是世俗個智慧。交關年數以後，我再明白過來，伊個其實應該是一個女子個兩麵。”
（轉載）
