襄陽路伊瘩塊

這兩天天氣勿錯，勿熱勿冷，本來正好是到地裏廂做生活種菜格辰光，不巧肩胳出了點小毛病，勿好用力氣， 就勒屋裏孵豆芽，順當便亂寫點末事大家看看白相相。
去年秋初回上海，一家頭出去瞎走走，就到了襄陽路，我是從建國路朝北走格，迭張應該是勒永嘉路複興路當中。

永嘉路阿拍了一張，拍路名牌子是為了證明， 勿是替人家證明噢，為格是自家下趟看格辰光清爽迭瘩是啥地方。

最好證明襄陽路永嘉路口格是迭掰店，啥個末事最好吃？

喬家柵！ 饞吐水勿要流出來，哦。迭位踏腳踏車朋友，小阿弟，功架勿錯。
嘸勿任何事體阿嘸勿任何目的，隨意馬路上趟趟，照片拍拍，東張西望， 回憶回憶老底子。

記得老裏八早襄陽路迭一段商業勿是老發達格，現在是阿狗阿貓全部鑽進鈔票裏去了。

走進去就是嘉善路小菜場了， 迭塊地方好像是白俄比較多， 是伐？還有我老早認得一位“老流氓阿飛”（迭個是伊自家講格）姓陳， 叫啥忘記了，就是在嘉善路小菜場賣肉個， 手藝勿錯， 一刀下去講幾斤幾兩就是幾斤幾兩，比我要多六七歲來， 現在卯七十歲老梆瓜了。


為至屋理住房麵積少許大點， 人民群眾想盡辦法，上天可以入地辦勿到， 格末隻好立體朝上發展了。

迭個是一種真實的馬路風情


好了，走到了南昌路襄陽路口了， 今朝到此結束，祝大家今朝夜道出遁好飯困隻好覺，明朝起來腦子清清爽爽上班去。