Twins演帝女花 像小孩扮大人阿Sa反串被笑不需要紮胸

Twins今年為《歡樂滿東華2004》演出一段粵劇折子戲《帝女花之香夭》，首次以大戲妝扮亮相的阿Sa（蔡卓妍）16日反串演駙馬周世顯，而阿嬌（鍾欣桐）則扮長平公主，兩人似細路扮大人，一見對方即相望而笑，阿嬌直言很不習慣：「覺得自己個樣有似陳奕迅扮《魂魄唔齊》個大戲樣 ，照鏡都畀自己嚇一跳。」 Twins16日早上7時已開始化妝，足足花了近三小時才完成，阿Sa更自爆換衫時的「瘀事」，她說：「因為我角色係反串，唔知使唔使著『內膽』（指胸圍），點知個服裝指導就話無所謂，話我紮?胸都唔覺。」性格樂天的阿Sa表示不介意：「都畀人笑慣，所以無乜所謂。」 阿Sa早前因車禍傷頭仍未完全痊愈，但16日仍要戴帽及吊眉，令她有點頭暈，不用埋位時即戴上頸箍，以防再受傷。 阿嬌雖然亦要戴上重量級頭飾，但她卻輕鬆表示是小兒科：「拍電影時戴過仲重，反而擔心唱高音部分好辛苦，所以要成日車聽MD操曲。」而阿Sa唱平喉難度亦甚高，坦言太低音部分要變回女聲相就，慶幸被老師大讚有天分。阿Sa開心笑說：「細個住鴨洲跟爸爸去睇大戲，所以都有認識，希望今次演出可以籌多善款啦！（會唔會叫老板楊受成捐錢？」總之就要多老板捐錢。」