港人興講潮語,響度考考你嗱~:《你有幾潮?》

作為一個潮人 (追得上潮流的人，不是潮州人)，你應該要答對一半(6題)或以上的問題。
否則，我肯定你同十零二拾嘅後生仔女溝通會有問題。

準備好未？問題嚟喇。試解釋以下名詞：

公主病
毒男
龍友
孔雀開屏
打邊爐
喪拚
梅窩
攬炒
語癌
山寨
冏
梳爆















有冇難度？答案喺度！











公主病 - 女性極度自我膨脹，病態地恃寵生驕。

毒男 - 沉迷於被大眾評為不健康活動 (如打機、動漫)的男性。

龍友 - 熱愛拍攝人像的發燒友，通常帶備專業拍攝器材。"龍"有可能來自以前拍攝藝術人像相片泛稱"沙龍"相片(saloon)。

孔雀開屏 - 典故來自倪震與城大女學生張茆"婚外戀"事件。根據當事人倪震的自我解釋"呢個係我展示孔雀開屏的惡果"，指男性以魅力去吸引異性。

打邊爐 - 推行室內禁煙後常見的現象，一班煙民圍住公眾垃圾桶吸煙。

喪拚 - 將shopping讀成中文，即是瘋狂購物的意思。與中國及台灣的"血拚"同。

梅窩 - 典故來自今年(2009)香港基督教戒毒學校正生書院申請在大嶼山梅窩開辦戒毒學校而被當地居民拒絕的事件。衍生成"歧視別人"的意思，當作名詞用。

攬炒 - 攬住一齊死，累鬥累。

語癌 - 語言表達能力有嚴重障礙，更甚於"語病"。

山寨 - 由小型工廠所製造的，仿製的、抄襲的物品，多用作形容大陸手機。

冏 - 象形字，意指某人目無表情，不苟言笑。即"冏樣"。"冏樣"的男生即"冏男"。

梳爆 - sorry到爆，極至到無以複加嘅程度。




你有幾潮? 睇嚇有邊D人同你同 "呢" (L音，非N音，即level 也)。
要 "升呢" (提高層次)，就要得閑多D蒲，同後生仔女傾多D偈！

答對一題 - 劉美君(香港過氣女歌星，憑"我賣子宮不賣身"獲香港電影金像獎最佳女主角)，關菊英
答對二題 - 廖啟智(有名你叫，大叔)、楊思琦(無線捧極唔紅嘅前香港小姐)。
答對三題 - 江若琳 (號稱香港玉女周慧敏接班人，又被踢爆整容整到九彩，兼係寰宇老板婚變嘅第三者)。
答對四題 - 孫耀威(曾經青春偶像)、任賢齊(台灣嚟嘅，10多年前對麵的女孩會看過來，現在還看不看就不得而知)、薜凱琪
(識唔識呀？Fiona, 長頸鹿呢？即係成龍個仔房祖名嘅緋聞女友)
答對五題 - 錢嘉樂、劉欣宜(邊個黎架？都唔識嘅！"鄭"欣宜就話啫！)
答對六題 - 從缺
答對七題 - 從缺
答對八題 - 從缺
答對九題 - 官恩娜(來自法屬大溪地的熱帶美女)
答對十題或以上 - 周秀娜 (近期Hit爆模代表Chrissie，書展期間，寫真集人形攬枕大賣，咁追得上潮流，抵佢嘅!)



我估你都係四題以下，如果你唔想同以上某些人等認同嘅話，就要諗嚇計升呢啦！





==================
-ZT-