2012 (107)
2013 (179)
2014 (312)
2015 (483)
2016 (242)
2017 (225)
2019 (110)
2020 (257)
2021 (215)
2022 (337)
2023 (175)
其實我對爭辯什麽政治問題沒有多大興趣， 個人喜歡的是這類社會小市民的小日子， 尤其用上海話到來， 十分的開心。
老裏巴早， 郵局門口， 總有咯樣的人， 擺隻台子還可以講是攤頭， 代人寫信， 舊社會勿識字的人勿少， 比方從太倉瀏河到上海做奶媽， 廣東潮州來上海做“大腳娘姨"的客家女人， 屋裏人還在鄉下， 過段辰光總歸要寫封信回去， 報報平安， 問問情況， 自家勿會寫， 社會的需要就有行業的產生， ”代客書信“就出來了。儂講伊寫， 寫好讀給儂聽聽， 事體清爽伐？ 還有啥忘記特？ 好了， 格末給點鈔票。下趟回信來個辰光，儂拿來， 阿拉就免費讀給你聽， 迭個是大家有數有末個規矩。
看西洋鏡， 一兩隻銅板， 眼烏子對準洞洞眼， 老板拉拉， 片子裏箱走走， 迭戈是簡單事體， 做迭種生意的人的本事， 是又說又唱， 勿曉得中國哪兒的人做迭種生意個比較多， 阿拉老早樓下有個老頭， 阿拉夜單位傳達室看門老頭， 河北大名人， 做過偽警察甚至當過汪精衛和平軍， 文化大革命辰光我幫伊寫過坦白交代認罪書， 伊就會搭唱， 不過內容下裏下作個，
比方
”往裏那個瞧唻， 往裏那個看唻， 你看那“， 此地就有兩個版本了， 一種是"大姑娘洗澡多好看”， 另外一種潔本“大姑娘跳舞真好看”。 迭隻老梆， 字勿識幾個， 迭種下三教九流曉得來是勿少， 舊社會江湖上混的， 本人有幸， 聽得還勿少。
剃頭攤， 進剃頭店， 價格肯定貴些， 哪怕隻貴幾隻銅板， 還是相當於一頓早飯呀， 所以弄堂口啥地方， 剃頭師傅挑隻擔子， 一頭有煤球爐子， 一頭一隻麵盆架子，小辰光感興趣的是麵盆架子上頭伊條帆布， 磨刮胡子刀的， 一前一後兩麵板板光幾記， 然後就像三毛學生意裏廂講的“挺胸吸肚， 不慌不忙， 上去就是一刀”。
