部分上海童謠1 -為了忘卻的記憶

搖啊搖、搖到外婆橋，外婆叫我好寶寶。糖一包，果一包，外婆買條魚來燒。頭勿熟，尾巴焦，盛在碗裏吱吱叫，吃拉肚裏豁虎跳。跳啊跳，一跳跳到賣魚橋，寶寶樂得哈哈笑。”

部分童謠

　　●小三子，拉車子，一拉拉到陸家嘴。拾著一包香瓜子，炒炒一鍋子，吃吃一肚子，拆拆一褲子，到黃浦江邊解褲子，撥拉紅頭阿三看見仔，拖到巡捕行裏罰角子。 

　　●山上有隻老虎，老虎要吃人，拿伊關勒籠子裏。籠子壞脫，老虎逃脫，逃到南京，逃到北京，買包糖精，擺勒水裏浸一浸，米西米西拉胡琴。 

　　●本來要打千千萬萬記，現在辰光來不及，馬馬虎虎打十記，一、二、三、四……

　　●一歇哭，一歇笑，兩隻眼睛開大炮，一開開到城隍廟，城隍老爺哈哈笑。 

　　●三三三，我們都是木頭人，不許哭來不許笑，還有一個不許動。 

　　●篤篤篤，賣糖粥，三斤胡桃四斤殼。張家老伯伯來了，問儂討隻小花狗。