呼籲學生儘早回歸理性 回歸學校

占中進入第12日，作為學生家長，我理解佢哋爭取民主嘅理想，但我好難認同學聯嘅一啲做法。剛剛學聯周永公開表示表示無法接受政府決定，令成件事根本上返到原地。 我亦經歷過各種社會運動，同政府兜圈嘅技巧多少都識啲，依家學聯可以用嘅，無非就喺不斷捆綁民意同政府對抗。聽日能政府對話，今日學聯就公開提出一啲之前未同政府溝通過而政府又好難接受嘅要求，令政府應對失措，跟住學聯就會大打民意牌，話政府無誠意，將責任推到政府身上。 其實依家參與佔領運動嘅人越來越少，學聯同學民思潮暫時都冇更好嘅動員方法，要繼續占中，最好嘅辦法唔喺破局，而喺保持僵局，唯有挾持更多民間，先至可以不斷增加對政府及社會嘅壓力，呢個喺唯一嘅籌碼。如果學聯用好指責政府無誠意，甚至喺宣佈談判破裂呢招，分分鐘會令已經離場嘅市民學生重回佔領現場，占中當然就可以繼續落去啦，而且會進入一個無解嘅死循環。 到咗呢個時候，我唔知學聯到底喺想解決問題，抑或真喺想無限其進行佔領行動，癱瘓香港社會。我哋一個卑微嘅市民，隻能呼籲可憐下我哋，我哋要揾食，子女要返學，麻煩你哋做下好心啦。