早春三月，乍暖還寒，一場又一場的連綿春雨，帶來唔少煩惱。
做包租婆，至怕接到租客電話。
呢一日，剛剛食完晚飯，手機響，來電顯示∶「租客陳小姐」。
黃師奶好慶幸自己的租客甚少麻煩。之但係，一旦 上門，多數都係好頭痕事。
果然，陳小姐驚慌地說∶「我間屋天花滴水呀！」
黃生黃太趕到出租單位──大滴大滴的水珠由天花滴落，住客用個盆仔接住水，情形好似粵語片 。而漏水之處，天花泡起一大片。
好彩黃師奶都醒目架啦，有備而來，即刻急call管理處，請管理處職員影定相，有相為證，之後捉住管理處職員，盡快同我 樓上個業主出。
好彩，樓上業主都係斯文人，兩父女連夜趕返，哎呀，原來廚房已經水漫金山，就浸到出廳。伯伯即刻清積水，囡囡就落樓下睇實情，又不斷向租客小姐道歉。 都怕我一紙告上法庭。
呢個世界，與人方便，自己方便。
如果遇著個唔理唔睬，「天日先啦」的芳鄰，黃師奶都無可奈何呀。
商討對策期間，租客指住黴跡斑斑的天花問有乜解救，話∶「聽聞向西單位就唔會有呢情形。」
黃師奶苦笑∶「我屋企住高層，向西，你信唔信，仲嚴重過你度。由入門處直至窗口，成個天花都係黴。」
早前，另一個新裝修單位，日本客人來收樓時，經紀悄悄同黃師奶講∶「哪，呢天花發黴，我可以唔出聲，但如果個客要求你整，你就唔可以托手架。」黃師奶唯唯諾諾。又十分好彩，遇著個見多識廣的日本小姐，大方話∶「我知道香港地好潮濕，我朋友住海逸豪園都係 。你可唔可以幫我抹幹淨？」
係得啦！
黃生有朋友係大學教授，諗出一招，用1∶2漂白水兌清水，注入噴壺，對住黴跡處，唧一唧、噴一噴，搞掂！
黃師奶同陳小姐傾談時，提醒 ∶不過，你要用個透明膠袋笠住個頭呀，防止漂白水傷到眼同容架。
