近年來，美西方媒體無孔不入，基本上360度無死角咁對中國進行造謠抹黑。近日，香港第五波疫情持續喺社區擴散，喺香港抗疫嘅緊要關頭，美西方國家媒體幾乎異口同聲咁攻擊香港清零政策，指出清零政策會動搖香港「國際金融中心」嘅地位。美西方國家因為「與病毒共存」死咗幾十萬人，宜家卻來攻擊挽救咗幾十萬生命嘅清零政策，真係笑甩人哋隻牙。外國媒體表麵上「就疫論疫」，實際上係以「國際金融中心」地位做要挾，挑撥離間香港與內地嘅關係，其心可誅，其行可鄙。
新冠疫情爆發以來，好多亞洲國家，由於採取嘅防疫措施及時準確，防疫成績唔錯，尤其係中國。但係，美西方國家嘅防疫成績卻極唔理想，紐約時報嘅美國疫情地圖，顏色已經紅到發紫，拜登竟大言不慚講美國係世界上唯一嘅整體經濟比疫情前更強嘅領先經濟體。唔知拜登係「大智若愚」仲係老年癡呆病入膏肓。以美國為首嘅西方國家，自私自利唔抗疫，唔顧市民死活，仲唔見得人哋好。為咗保住超級大國、強國嘅交椅，美西方國家開始「混淆視聽」。佢哋發動輿論霸權，提出「與病毒共存」理念，仲信誓旦旦鼓吹佢哋嘅優勢。美西方國家一方麵「以身作則」，一方麵玩命忽悠，一啲國家開始霖都唔霖就咁追隨。於是乎就有越南、新加坡、日本、韓國疫情大爆發，感染數不斷增加，死亡數目不斷增加，經濟遭受巨大打擊，前期工作歸零。喺全球疫情未得到有效控製前，喺無法預測新冠病毒如何變異前，哩啲國家將麵臨點樣嘅考驗，或許連佢哋自己細霖後都會頭皮發麻。講到底，「與病毒共存」就係強者生存，捱唔住就死，哩無非就係政府無能嘅借口，唔重視國民生命財產嘅表現。
中國內地始終摒棄美西方「與病毒共存」嘅謬論，喺黨同政府嘅堅強領導下，眾誌成城、萬眾一心抗擊疫情。美西方國家始終無法將中國內地哩塊「硬骨頭」啃落去，於是乎佢哋開始從鑽香港嘅空子，企圖將香港帶上「與病毒共存」嘅不歸路，從而整臭中國防疫嘅名聲。然而，特區政府已經唔係昔日嘅特區政府了，香港背靠祖國，有獨立嘅思考辨別能力，香港市民清楚，香港一旦「與病毒共存」，喺香港疫苗接種未達理想接種率嘅前提下，香港爆發疫情，大量長者必將死亡，與內地通關更係遙遙無期。香港冇自己嘅供應鏈，一旦失去與內地經濟往來，再被美西方國家架空，香港處境就十分危險，更無法談「國際金融中心」嘅地位了。況且，「清零政策」有冇用，數據擺喺裹到。中國內地以過去兩年抗疫經驗證明咗「清零政策」可以較好咁平衡疫情防控同經濟社會發展之間嘅關係，能夠以最小嘅成本取得最大成效，有力保障群眾生命健康同經濟社會發展。
路遙知馬力，日久見人心，外國媒體係真心關心香港金融中心嘅地位，仲係醉翁之意不在酒，正常嘅香港市民都心中有數。疫情之下，民生多艱，香港麵對疫情絕對唔可以效仿美西方國家徹底躺平嘅姿態，我哋必須始終堅持「清零」不動搖，儘快提升疫苗接種率。筆者相信，待香港疫情穩定，與內地順利通關後，香港未來皆可期！
