【Sunday Kiss】梁潔華14年不幸確診急性白血病，喺老公黃日華照顧下成功抗癌，華哥嘅不辭勞苦嗬護照料令人感動，係好老公嘅典範。1980年19歲嘅黃日華同早一期（第8期）無綫藝員訓練班師姐梁潔華拍《京華春夢》時認識，繼而發展成情侶，結婚28年雖有風浪但至今仍恩愛如昔，今期搜羅黃日華夫婦珍貴拍拖相，張張都好sweet。
1983年
激罕水著嬉水
82年尾公開戀情嘅黃日華同梁潔華，翌年齊齊水著上陣到清水灣海灘為周刊影封麵同專訪，勁搶鏡。
大曬美腿
當年22歲嘅華女嬌小玲瓏，雖然iPad身材，但一對美腿夠白滑。
深情想咀
兩人單膝跪沙灘影相，睇華哥個樣幾冧！
1988年
拉埋天窗
1988年黃日華同梁潔華拉埋天窗手牽手走入人生另一階段，惜劉德華同苗僑偉因趕戲嚟唔到飲。
白馬王子新郎
華哥著上同色係結婚禮服，絕對係華女心目中嘅白馬王子。
白雪公主新娘
華女一身高貴銀白色婚紗，同樣係華哥心目中嘅白雪公主。
1983年
頻頻大曬幸福
黃日華同梁潔華公開關係後頻頻大曬幸福，去到邊都好似連體嬰咁，愛得如膠似漆。
1985年
冧爆含情對望
黃日華同梁潔華拍拖五年嚟一直恩愛，呢張含情對望相sweet到爆！
1988年
婚前同拍劇集
繼80年《上海灘龍虎鬥》後，88年梁潔華同黃日華婚前，終於喺清裝劇《太平天國》再次一齊拍劇，但兩人並非演夫婦或情侶。
