尤溪農耕文化薈萃

第十二章 十愛哥

　　女：第一愛哥好儂樣，英雄勇敢又上裝，

　　勞動生產出儂眾，阿妹想念在心中。

　　男：爸奶生來總一樣，克妹表揚伓敢當，

　　妹是鸚鵡能吹唱，烏鴉難比金鳳凰。

　　女：第二愛哥好思想，集體利益頭一樁，

　　自從選哥當隊長，生產出色賽全鄉。

　　男：這是黨的好領導，男女社員覺悟高，

　　今年種出好莊稼，勤打勤做靠大家。

　　女：第三愛哥儂肯做，無論粗細都有學，

　　雙手做代樣樣易，聰明伶俐蓋尤溪。

　　男：祖公三代都勞動，阿哥愚儂盲來跟，

　　阿妹勞動好榜樣，鄉頭裏尾儂表揚。

　　女：第四愛哥有誌氣，生產競賽奪紅旗，

　　十回競賽九回勝，強將手下無弱兵。

　　男：生產競賽能得勝，全靠社員一條心，

　　青年男女打頭陣，老農獻計賽孔明。

　　女：第五愛哥有膽量，伓驚老虎伓驚狼，

　　伓驚惡儂比慮惡，哥是武鬆管得服。

　　男：站穩立場最要緊，預防壞儂起謀心，

　　反對壞儂來搗亂，考慮伓敢放回山。

　　女：第六愛哥曉得字，天下大事你都知，

　　生產總結你會做，經驗傳出四邊學。

　　男：做儂最苦伓伯字，小小書報看賣來，

　　社員參加學文化，翻身農民好當家。

　　女：第七愛哥好心性，從來也毛罵一聲，

　　耐心耐性講道理，哥好心性儂都知。

　　男：大聲小聲總一句，毛理毛由儂不依，

　　利刀割肉易生上，惡語傷儂割心腸。

　　女：第八愛哥好身體，紅頭赤額儂愛池，

　　阿哥從來毛病痛，勞動生產頭一名。

　　男：汽車有油走得快，有好身體不吃虧，

　　彈琴唱曲跳跳舞，打球學拳紅工夫。

　　女：第九愛哥儂勤儉，三百六日無閑工，

　　家中食用都有剩，年年都是賣餘糧。

　　男：細水匯集成大海，做儂勤儉理應該，

　　家庭吃用毛計算，一到無時心會酸。

　　女：第十愛哥再一種，爭取對哥來結婚，

　　阿妹也易配得上，結成一對好鴛鴦。

　　男：總驚我哥毛福氣，妹是鳳凰哥山雞，

　　牡丹也肯來引鳳，當上模範就結婚。

　　演唱者：餘雅錦

　　整理者：丘山石