正月出去正月頭,今年飼牛飼骨頭,
天晴落雨都推去,明年甘願拿鋤頭。
二月出去二月冷,一身淡淡①冷冰冰。
一身淡淡毛打景,山頭落雪刺骨清。
三月出去三月三,牛母牛仔趕上山,
甘願冒雨趕去看,賣願看推牛餓菅。
四月出去打田坯,今旦反悔是太遲,
去年那曉不能放,今旦賣行這曲②來。
五月出去端午節,牛群大幫逐賣齊,
一頭逐來一頭走,己自逐夠目汁流。
六月出去熱難當,牛母牛仔去洗湯,
早起洗到日頭暗,冥時③會逐一大幫。
七月出去七秋林,都怪爸奶毛良心,
放牛生意是難賺,總是該敗賣該興。
八月出去八曝曝④,放牛生計毛人學,
放牛大代那會做,做人長年⑤也出頭。
九月出去十立冬,手拿布袋去收冬,
都講牛群毛看飽,收冬還推等兩工。
十一月出去到冬至,想到看牛尺懊氣,
別人做代日頭晝⑥,看牛還要半早起。
十二月出去年節忙,看牛大年是賣安,
逐家火炮響呯嘣,看牛還在菅蒙林。
注釋:
①淡淡:濕濕。
②曲:地方。
③冥時:晚上。音mǎng nī。
④曝:曬。
⑤長年:長工。
⑥日頭晝:中午。
演唱者:邵長模
搜集者:夏迎風,