尤溪農耕文化薈萃

第六章 放牛歌

　　正月出去正月頭，今年飼牛飼骨頭，

　　天晴落雨都推去，明年甘願拿鋤頭。

　　二月出去二月冷，一身淡淡①冷冰冰。

　　一身淡淡毛打景，山頭落雪刺骨清。

　　三月出去三月三，牛母牛仔趕上山，

　　甘願冒雨趕去看，賣願看推牛餓菅。

　　四月出去打田坯，今旦反悔是太遲，

　　去年那曉不能放，今旦賣行這曲②來。

　　五月出去端午節，牛群大幫逐賣齊，

　　一頭逐來一頭走，己自逐夠目汁流。

　　六月出去熱難當，牛母牛仔去洗湯，

　　早起洗到日頭暗，冥時③會逐一大幫。

　　七月出去七秋林，都怪爸奶毛良心，

　　放牛生意是難賺，總是該敗賣該興。

　　八月出去八曝曝④，放牛生計毛人學，

　　放牛大代那會做，做人長年⑤也出頭。

　　九月出去十立冬，手拿布袋去收冬，

　　都講牛群毛看飽，收冬還推等兩工。

　　十一月出去到冬至，想到看牛尺懊氣，

　　別人做代日頭晝⑥，看牛還要半早起。

　　十二月出去年節忙，看牛大年是賣安，

　　逐家火炮響呯嘣，看牛還在菅蒙林。

　　注釋：

　　①淡淡：濕濕。

　　②曲：地方。

　　③冥時：晚上。音mǎng nī。

　　④曝：曬。

　　⑤長年：長工。

　　⑥日頭晝：中午。

　　演唱者：邵長模

　　搜集者：夏迎風，