兩篇台語回應

◎兩篇台語回應

作者∶旅途夜心，憐芳草

台語誦讀∶憐芳草

 夜心 ∶

足久矣，無佇台語田園?你開講，前職站阿，雖然樓頂樓跤，有相搪著，毋過，益袂講話甸頭，著因為主人關門，遂——無奈相閃身，咻仔一吓，道過。
 
伊，我知影！你可能捎無寮仔門，可能益真關心伊，總講道是∶知影愈濟，操煩道愈濟，芳草實在也嘸知欲按怎講，隻會當以文字或者嘸值錢的祝福送予伊爾。我想，伊若欲開門，門著開！你咧，職碼好否？咱少少幾個人，用相仝的字，用相仝的腔口，寫著熟悉的話語，遮道愛真感謝彼個好所在，寫台語文章著會拄著鄉親的好所在。
 
堂號，是親族間的聯係。嘸過，社會變遷，生活環境的無仝，親情愈來愈薄，友誼，益是共款，準講是親疏的關係，但亦是疏到有可能完全嘸傷捌。雖然俗語說∶「君子之交淡如水」，到尾矣，我想，嘛有可能予淡到完全焦共離離離。 佇者，芳草我，嘸是客氣，是逶心肝穎仔講出來吓。捌共我回應台文的網友，遮攏是鄉音的人情味，鄉音的親切，鄉音的牽成，所以我昧將逐家放袂記得，益閣會記共牢牢牢。
 
台語文，芳草一直學習中，夜心總是以鼓勵、嗬?來代替為難的牽教；其實，阮毋是褒你，你的詩，你的文章，一向攏是我學習的前輩。益著是講，你愛定定來寫台語文章，按仍，我才有辦法偷偷仔?步。正厚話的芳草，一吓講，遂毋知影收尾，歹勢呢！最後祝你青春永駐，詩詞的花蕊，開共滿滿是。

 芳草∶

這段時日，夜心較無冗，真濟代?攏來耽誤，嘛減少出外行踏。不二過，夜心嘛有迄堅持寂寞的地方，看著汝講永遠毋關門，彼時陣心頭是真感動。這濟年來，看著文學網站一站一站開，又擱一站一站關，欲揣像汝這款堅持的人，實在真少。
 
芳草的嗬?夜心毋敢當，無論是台語，抑是文學，夜心攏是一個學徒，汝講的偷偷仔?步其實正是夜心所做的工課。卻是芳草傷過客氣，汝的文筆、觀點?人生曆練，攏是夜心學習的對象。
 
雖然講台語的人真濟，寫台語文章的人確實真少，這幾年靠著一群前輩的投入，慢慢有一寡成果，而夜心隻是希望佇保留祖先智慧的事業中，加減出力爾爾。
 
汝講的朋友夜心悉也，亦確實是真納悶，這段時間我是三不五時就去共伊撞門，毋過回答我的是冷淡的機器人共門口的秋風。不見伊的影跡，心肝頭總是掛吊。先前，夜心有看著汝共伊非常深入的對話，我相信恁互相有聯絡。若是有機會替夜心傳達心意，伊，是夜心敬慕的人，文學道路，伊是夜心的老師。

續尾阿憐芳草閣來講一寡心內話

寫這篇【西河，河西】的台語文，遂予我趁著旅途夜心兩篇台語的回應，佇者，芳草欲共你說一聲∶感恩真多謝。阿閣有，上介歡喜的道是∶芳草因為這篇台文，予失去將近三冬的網友閣出現在我的堅持寂寞，伊，是我一時懵懂、雞仔腸、鳥仔肚共搡走、得罪、並且對伊失禮的詩人；一個會念詩予?媽媽聽的詩人，芳草閣一改共你致敬，益閣一擺共你會失禮！多謝你無計較，抑閣出麵讚聲┅┅

上介熟悉是鄉音
藏著厚厚吓人情味
上介好聽的腔口
嘛是鄉音
因為彼是咱上好的溝通的話語
鄉音的牽係
終於，拍醒冷淡去吓
人情義理