自己的事

John Lennon - Woman

這段視頻真不好找，油管上的都不能轉到博客來，還是中文網站好，居然有漏網的，先借來用一用。

哈哈，不如用廣東話寫

講起呢隻歌，自己超喜歡啦，無他嘅，一聽到就好似返番十幾歲嗰年，一個人戇居居坐日航去艱難大，係飛機上就聽它。嘿嘿，當時自然喺聽D唔聽D啦。唉，不過真喺好多回憶。每次每次。。。

仲記得上機前一晚，循例上樓食飯，家姐煮咗我最鍾意嘅煎鮫魚，另外有個湯唔記其他材料喇，就記得有牛丸，平時佢同我去粉麵舖，我成日叫牛丸米丫嘛。我一睇，真攞命，唔駛問亞貴，感動到喊，仲點食得落喎？？！！好在爸爸話出門係好事，唔駛喊，過幾年就返嚟喇。於是勉強把飯吃完了。

大鄉裏的我買咗本日記簿帶上機，一坐好就猛寫，隔離坐個乜嘢人等等，等等，通通記下。慌死漏咗D見聞冇交待，連有氣流震到幾乎將綠茶灌到鼻子都記低埋。

今日諗嚇，河東河西的，太有意思了。