ZT. 上海的新民晚報

解放日報呢，上班的地方公家都訂得有，好像公家不出錢訂晚報，偏偏晚報軟性東西比較多，上海話說成"夜報", 實際軟得也很有限，也就更受老百姓都歡迎。有些人自己出錢訂一份，下午郵遞員送信時往樓下公共信箱一放，家裏愛看晚報的人，回家時誰先到家誰拿回來，那時社會風氣還不錯，哪怕你是四類分子，你家訂的報也不會有人就不給你，至少上海是這樣。也有人每天買一份帶回家，還有些舍不得花錢買報又想看報的，就拍大街小巷到處都有的閱報欄去站那兒看，晚去的隻好戰別人後麵，從肩膀之間看過去，一旦前麵的人看好了，或者老婆孩子還喊“回去吃晚飯了”，走了之後，趕緊上前一步，站報欄的最前麵正正式式讀一會兒新民晚報，這號事，好像都是男人，記不得什麽時候見阿姨大姐老媽媽站閱報欄前讀報的事。可惜照片沒弄好.  轉載者

 

【歲月如歌】小辰光買夜報（作者：曹振華）

曹振華 上海老底子 Today

 

 

小辰光買夜報

 

文/曹振華

 

 

記得上世紀六十年代初，我還辣海讀初中辰光，阿拉爺每天下班回到屋裏向，第一樁事體就是先坐下來看伊剛剛買轉來個《新民晚報》。有辰光也要讀兩段撥我聽聽，還要叫我一道看看，慢慢交我也受影響歡喜夜報了。再有就是夜報主編趙超構先生就住辣阿拉後門個瑞康裏，覺著邪氣親熱。

 

新民晚報

 

趙超構先生

 

一日，爹爹搭我講，要我放學後去屋裏對過溧陽路浙興菜場邊浪向買夜報，搿天一放學後就直奔小菜場。想勿到埃個買報地方早已有十幾個人辣辣排隊了，我也就老老實實排辣人家後頭。突然，有人叫了起來：“來了，來了！張阿姨來了！”我抬頭一望，搿個張阿姨踏了部腳踏車，車子後頭綁了一大袋報紙。大家豪燥排好隊，還有人辣隊伍邊浪做“糾察”，不讓人“插檔”。總算買到報紙，我開心奔回去，見阿拉爺老早回來坐辣竹椅上了。今朝哪能介早回來了？原來阿拉爺是運輸車浪裝卸工，勿當心腳壓傷了，醫生開了病假。乃末好了，爹爹正式關照我，以後買晚報就是我個事體了。

 

浙興菜場（後為書店）

 

買報紙

 

 

當年報紙數量有限，葛咾要排隊買夜報。排隊等報紙辰光，每日碰到個報迷也熟悉起來了，大家講講談談，倒也蠻熱絡，勿覺得厭氣。有一日，大家正排隊等報紙，“夜報買好啦！”幾日嘸沒露麵個阿林拿了當日夜報開心個搭排隊個人打招呼。伊講尋到一個好地方，既能保證買到，又比搿搭賣得早。大家問伊啥地方，伊擺奎勁勿肯講。勿過阿林跑過來悄悄告訴我，伊是辣辣四川北路橋下頭報刊門市部後門買個，還要我保密。

 

原四川北路橋下頭報刊門市部

 

第二日，我勿去浙興菜場，就直奔報刊門市部後門。我跑過去一看，已有幾十個人排著老長個隊伍，前頭台子浪堆辣一大堆夜報，買報速度也快，一歇歇就輪到我了。雖然多走了點路，但報紙總歸好買著。爹爹每日看到晚報，邪氣高興，又覺著奇怪。就問我，你哪能日日買著個？我拿調轉方向去四川路橋買報紙事體講了。爹爹聽了後哈哈大笑，“儂迭個小鬼頭悶聲勿響，倒也蠻活絡個嘛！”

 

 

 

受到表揚後，我更加起勁了。有趟學校下半日開大會，我生怕夜報買勿著，就溜了出去，到“老地方”買報紙。回到屋裏，班主任朱老師已坐辣屋裏搭阿拉爺“告狀”了。爹爹講，我情願今朝勿看晚報，也勿要儂小鬼勿到學堂裏去開會。爹爹請我吃排頭蠻結棍個。以後碰到學校有活動或開會，我就勿去買報了，問隔壁李家伯伯借來撥爺看。

 

報刊亭

 

小辰光買夜報個事體，現在回想起來，倒蠻有勁個，迭個當中讓我懂得了勿少道理辣海。

 

（原文載於：2012年05月30日《新民晚報》）