老裏八早格徐家匯

網浪廂多看西看，一勿小心看著迭幾張徐家匯格老照片，弄過來大家欣賞欣賞，一道探討探討是啥地方，第一張比較明顯，正麵應該是衡山路，右麵是肇嘉浜路，伊格辰光還叫徐家匯路。
好像早到連有軌電車好勿曾有拉裏， 第二第三張好像是伊格轉盤，就是老早有軌電車繞一圈個地方。
最後一張肯定是“浜”，就是勿曉得左麵還是右麵是浜南還是浜北，迭戈南北辣上海市交關重要格，浜南市的的括括個下隻角，浜北當然是上隻角了，儂搭之家人講：“阿拉屋裏住肇嘉浜路附近格。”聽格人或許是有數有脈格勿會來問儂，不過肚皮裏大概會想想“伊是住浜南還是浜北格？”
直到現在，比方講徐家匯格匯金廣場，老介伐，但是房價就是漲得勿高，為啥？有人講，匯金廣場格門牌擺錯地方了，勿應該是“肇嘉浜路XXX號”，哪怕是浜北，若果大門格門牌號碼開了“衡山路幾號幾號”，迭格檔次推擺勿起了，衡山路要比肇嘉浜路老卵幾個檔次啊？

[上海毛毛]

儂阿踏老裏八早了。至少我小時候不是哥能咖。

[西門祝]

郭舌是解方以前。草帽旗袍有滄桑感。

伐錯！蠻有迷倒格。

[tudou!]

不是太早，文革時基本還是那樣，隻不過土路變成了柏油馬路，本建築變成了磚石建築，肇嘉浜變成了肇嘉浜路。

[粉玫瑰]

老裏八早，特早了！