上海灘一個“外地人”

小辰光，阿拉屋裏住辣徐匯區一個工人新村裏，基本浪是工人，少數像阿拉爺等另一家研究所格。迭答新村裏寧波人交交關關，廣東人還勿少，由於工廠個性質，福建人還有相當一部分，其他省市個多多少少，不過越朝北跑越少越往西走還越少，阿拉是四川人，因為四川是個大省而且整個教育程度又比較高，所以還是有幾家，而且基本浪還是阿拉爺伊拉研究所格。

遠格省份，比方雲南貴州好像沒有，記得甘肅格倒有一個，是阿拉爺研究所格工程師。

文革前，房管局辣新村裏建了一幢房子，解決一些非迭丿廠個住房困難戶，阿拉對過樓浪向住進一家貴州人，是辣房管局做木匠格，而且好像還是苗族人，據說手藝勿大靈光，字麽還認不得極個，本來房管所就已經基本浪是洋釘木匠了,　迭位爺叔連洋釘木匠都做勿靈醒,　放工後隻曉得到外頭打大怪路子，技術又勿好，動勿動就尋相罵，好像袖子管一擼就要打相打似格，不過一般人勿大忒伊搞七廿三,　不過看上去打相打大概有點小本事。

有辰光阿拉爺走出去碰著迭隻老爺叔，用四川閑話答至伊格貴州閑話軋軋三胡，反正基本浪是一樣格，阿拉爺倒從來沒問伊老底子是做啥個，不過爺老頭子搭伊講過一兩趟閑話後，就搭阿拉講“迭隻赤佬肯定是國民黨兵油子出身”。

文化一大革命了，牛鬼蛇神全部揪出來！！阿拉爺當然沒逃特，真格迭隻貴州老頭邦，果然還被揪出來了，罪名清清爽爽像阿拉爺講格：國民黨兵痞！！