突然想到了糧票

我出生於1950年，啥辰光開始用糧票格是勿記得了，因為自然三年災害前還是個小赤佬呀，而且伊個辰光糧食還是蠻夠格，上海我記得好像辣辣1960年上半年到飯店吃飯還勿要糧票，伊年仔爺老頭子調到武漢格471廠，伊一到武漢就發覺事體勿好，寫信回來叫阿拉娘要當心，糧票能省就省點以防萬一，那末老娘就隔仔一個禮拜就帶阿拉兄弟姊妹到日暉飲食店（離屋裏近勿需要乘車子出去嘛）吃中飯，所以記得還勿要糧票，後時來越來越結棍，其他供應物事少了，肚皮好像就越來越大（還好我勿是小姑娘），油水勿足就越吃越多，我剛剛過十歲，格末搭仔一般市民一樣定量，廿五斤一格號頭，儂倒想想看，假設有魚有肉，一天八兩應該夠了，不過肚皮裏空撈撈，加上迭個蔬菜還勿使隨便買，用句寧波閑話叫做“真正作孽”啦。

整個三年裏廂，好像一日到夜就是想吃物事，餓死鬼一樣格，相信過來人有搭一樣的記憶。

迭種情況影響了阿拉爺格工作，伊家471廠本來準備大辦特辦一記，六機部弄了個中將（犯錯誤）去當廠長，武漢調個市委工業書記去當黨委書記（少將），牌子乓乓響，自然一記頭災害起來，國家隻好讓迭家廠下馬，爺老頭子“奧少”（迭兩個字哪能寫？ 阿裏位阿哥阿姐幫幫忙）借此機會回上海養病，謝謝迭家廠個領導，謝謝伊拉一家們，阿拉爺辣屋裏休了一年半病假，沒有扣鈔票，不過還有可能使伊格辰光伊拉單位格人連弄迭種事體的人餓得勁道好沒有了。

不過爺老頭子人是回來了，但是定量還辣武漢，伊講伊格辰光武漢格幹部定量比上海少好幾斤，上海應該是27斤伐，伊隻有23斤，後來爺老頭子調回上海到了409廠，迭格辰光情況還開始好轉了，糧票還就勿是伽稀奇了。

現在拿迭種事體講給小青年聽，有些人講我辣辣亂話三氣，勿是我造謠，此地真格有人講伊格各種票證格日子是“陽光燦爛”的辰光，迭個我就真格弄勿懂了。

[華府采菊人]

任何東西保存下來就有價值, 多少不等.

[西門祝]

回複老生常談12的評論:

回老生常談12兄，西門小弟搞點收藏，但沒有搞證券這一塊。所以具體價錢不清楚。兄台可Google一下，一定有最新的市場價。

Good Luck!

[老生常談12]

西門祝:

我有全國糧票和地方糧票,什麽價錢?

[華府采菊人]

回複西門祝的評論:
不但是糧票, 任何那個時候的票證, 若是留到現在, 好歹也算是個小小的"文物"吧.

[西門祝]

糧票現在是收藏品，值錢了啊！

[華府采菊人]

回複qlite的評論:
試問哪兒的人說他們家鄉話時不自然不自豪(或說不牛B?)? 能否舉個例子?

[華府采菊人]

其實我也嚐試用河南話和四川話寫點什麽, 因為那是我能說的另外兩種方言, 不為別的, 好玩而已.
但是畢竟是在上海長大的, 更能熟悉地運用上海話罷了, 寫起來順手些.

[qlite]

我發現上海人在講上海話時才覺得自己特牛逼，很高人一等。當初在上海讀書時不會講上海話，營業員都不搭理你，印象深刻。不過來了美國，還這麽拽，還真少見。套用一句美國俚語，Go fxxk yourself. LOL.

[華府采菊人]

回複新未央生的評論:
當然不會，好比你不罵人也不會死一樣。

[新未央生]

離了地方話會死啊？