我愛天空？天空愛我？

一直，我都認為自己係一個十分之任性嘅孩子，鍾意同人鬥氣，也鍾意同自己鬥氣．鍾意嘅野，雖然唔鍾意成日攬住唔放，但果個野必要從本質上屬於我，而且我想見就隨時可以見到；唔鍾意嘅野，恨不得距永遠都唔好出現響我眼前，眼不見為幹淨．我穩吖穩吖，甘就過左人生嘅四分之一嘅時間咯，但好似冇咩野可以由我如此任性．後來我發現左一樣野－－天空．嗬嗬～你想見時，隻要抬下頭，距就隨時隨地都可以出現響你眼前；唔鍾意時，噠低個頭唔望就睇唔見啦．於是，我愛上呢一片幾時都屬於我嘅天空．不過，最後我先發現，呢個隻係一個謊言，一個自己厄自己嘅謊言．天空，係屬於大家嘎，距幾時都存在響呢個空間．你睇唔見距，隻係自己將自己嘅眼睛藏起身，甘同掩耳盜鈴有乜區別呢．[nc31] 呢個並非天空嘅錯，因為距本來就一直無聲無息甘陪住我，隻係我自己太任性，對距要求太多嗟．呢個世界，仲有Ｄ咩野可以甘，任你如何埋怨，距都一直唔變甘陪住你吖．就算，事實話我知，天空係冇可能隻屬於我一個人，但我依然愛天空．要怪，就怪呢段距離實在太遠，遠到我不能隨手可觸，任性地選擇放棄．