廣東話獨幕劇 《鹹濕佬遇著八卦婆》

時間：公元二千一十二年五月九日上午九時許

地點：加拿大畢烈巔哥倫比亞省溫哥華市奇藍尼遊泳場的 Whirlpool

人物：肥師奶甲（以下簡稱甲）與瘦姑娘乙（以下簡稱乙）

甲：嗨，秀秀（瘦瘦）！

乙：嗨，菲菲（肥肥），冇見一排，幾好嗎？

甲：唉，好乜吖，又係咁。參加社區成人電腦班學上網，唵晻學完茲嘛。

乙：哇，咁犀利呀！

甲：得閑上網，睇嚇新聞，聽嚇歌，睇嚇戲，都幾好架。

乙：喂，聽講呢排大陸爆出好多單勁嘢。呢，乜嘢王立軍完咗又薄希來同埋佢嘅老婆， 宜家又多咗個盲眼仔叫乜嘢塵降城出來。

甲：哎呀，講起呢個盲眼仔塵降城就核突啦，匿入人哋嘅大屎館，重未知嚸下落，就掛住溝女。你知啦，人哋米國嘅乜嘢國務卿叫欺拉你，畢嘍夠曬八嘅啦，呢個盲眼仔自己有老婆仔女，人哋又有老公，佢居然夠膽打電話比人，佢話：“I want to kiss you! ”重話要跟埋呢個八婆架飛機返米國。唉，正所謂“窮心未泯，色心又起”！該煨囉，咁自己老婆仔女嚸呀？

乙：咁你又唔好咁講，人哋外國男女間舓啖好閑嗟，社交禮儀吖嘛。茲不過，你盲眼仔又唔係響外國，自己都係響窮鄉下出來嘅，咁快就學咗人哋啲鬼佬嘢！

甲：咁唔喺！三唔識七，咩咁親熱呀！呢個欺拉你夠曬衰格啦，自己個老公常日搞搞震，自己睇唔緊，就喺識得諸事八卦，人哋響屋企教仔女，關你屁事咩，喺都要噏三噏四。你睇，今次引得人哋盲眼仔心思思。佢叫自己啲馬仔將呢個傻佬又扶又拉，卒之趕咗出來，然後自己又走咗去。

乙：盲眼仔今次夠曬慘囉。佢唔好彩，或者唔啱時機啦，米國佬常日都幫一啲乜嘢乜嘢人士飛咗去米國啦。

甲：其實大陸亦都唔誌在啦，呢啲人走曬重好，唔使常日響道搞搞震，佢米國幫自己養曬呢班人重好。噢，唔同你講咁多囉。等陣返去再睇嚇有乜新嘢。

（以上是現場即時實錄,絕非虛構，並無誤導成份，看官自行研判。）